Translate
Soo celinta warqaddayda codbixinta
Waad codeyn kartaa oo aad u soo celin kartaa warqaddaada codbixinta sida ugu dhaqsaha badan isla markii aad hesho. Soo celinta warqaddaada codbixinta sida ugu dhaqsaha badan waxay fududeynaysaa in la helo wakhti lagu saxo wixii dhibaato ah ee ka jira saxiixaaga si aan u tirino warqaddaada codbixinta. Warqaddaada codbixinta waxaad ku soo celin kartaa boostada ama sanduuqa lagu rido warqadaha codbixinta.
Sanduuqyada lagu rido warqadda codbixinta
Warqaddaada codbixinta ku soo celi sanduuqa lagu rido warqadaha codbixinta, looma baahna istaambada boostada. Warqaddaada codbixinta waa in lagu soo celiyaa sanduuqa lagu rido warqadaha codbixinta ugu dambeyn 8 p.m. fiidnimo ee Maalinta Doorashada. Goor hore sii qorsheyso si aad uga fogaato safka.
Boostada
Istaambada boostada looma baahna si aad u soo celiso warqaddaada codbixinta! Waad codeyn karta oo aad soo celin kartaa warqaddaada codbixinta adigoo soo marsiinaya Adeegga Boostada ee Mareykanka sida ugu dhaqsaha badan isla markii aad hesho. Waxaan kugula talineynaa inaad warqaddaada codbixinta boostada ku rido ugu dambeyn Jimcaha ka horeysa Maalinta Doorashada si loo xaqiijiyo in wakhtigii loogu tala galay loogu calaamadeeyo shaabadda boostada si warqaddaada codbixinta loo tiriyo. Warqaddaada codbixinta waa in shaabadda boostada lagu calaamadeeyaa ugu dambeyn Maalinta Doorashada.
Xarumaha Codbixinta
Xarumaha codbixinta Degmada King ayaa diyaar u ah codbixiyeyaasha u baahan in laga caawiyo dhammeystiridda warqaddooda codbixinta. Shaqaalo tababaran iyo agab gaar ah ayaa diyaar u ah si gacan looga siiyo codbixiyeyaasha naafada ah si ay u dhiibtaan codbixin kharsoodi ah, oo madax banaan.