Translate
RapidRide I Line
Dhawaan ku soo socda Renton, Kent iyo Auburn
Hay'ada Metro ee Degmada King waxay cusboonaysiin doontaa Wadada 160, taas oo hada ka shaqaysa inta u dhaxaysa Renton, Kent, iyo Auburn—waxayna ku beddeli doontaa Khadka I ee RapidRide ee mustaqbalka. Khadka RapidRide waa qayb ka mid ah hab weyn oo balaaran oo loogu talagaly horumarinta adeegsiga gaadiidka ee koonfurta Degmada King, Khadka I-gana waxaa la qorsheeyay in la bilaabo 2027.
Basas la jaanqaada jadwalkaaga.
Subax ilaa habeen, maalin kasta.
Khadka I ee RapidRide waxaa la qorsheeyey inuu shaqeeyo 10ki daqiiqaba mar maalmaha shaqada ee xilliyada saxmada ugu badan, 15ki daqiqaba mar saacadaha saxmada yaraato, iyo 30ki daqiiqaba mar wakhtiyada dambe ee habeenka. Maalmaha dhamaadka todobaadka, adeegu wuxuu socon doonaa 15ki daqiiqaba mar maalintii oo dhan iyo 30ki daqiiaba mar subaxdi iyo habeenki.
Guudmarka mashruuca
Khariidada Khadka I ee RapidRide
Khadka I ee RapidRide wuxuu bixin doonaa adeeg bas degdeg ah oo la isku halayn karo oo u kala socdo wado 17-mayl ah. Wuxuu isku xiri doonaa sadex xarumood oo tareen (Xarunta Gaadiidka Dadweynaha ee Renton, Xarunta Gaadiidka Dadweynaha ee Kent iyo Saldhigga Auburn), iyo sidoo kale Khadka F ee RapidRide, Gaadiidka baska ee Sound Transit, tareenka Sounder iyo adeega baska deegaanka. Metro waxay dhisaysaa Khadka I ee RapidRide si loo daboolo baahida muhiimka ah ee horumarinta fursadaha gaadiidka waqooyi-koonfureed ee koonfurta Degmada King. Dhamaan shaqadu waxay u fududayn doontaa rakaabka inay u safraan kana soo baxaan goobaha gobolada iyo inay adeegsadaan shabakada basaska deegaanka. Taabo ama dooro khariidada si aad u weynayso oo aad u sahamiso wadada cusub ee Khadka I ee RapidRide.
Horumarinnada wadada baska
Boostaajooyinka rakaabka
882 boostaajooyin RapidRide ah oo leh astaamo cusub oo loogu talagalay in lagu hormariyo badqabka iyo raaxada macaamiisha.
Calaamadaha gaadiidka iyo mudnaanta haadka
Horumarinta 27 isgoys iyo balaarinta 12 wado oo loogu talagaly Gaadiidka dadweynaha iyo Ganacsiyada (Business Access and Transit, BAT) si kor loogu qaado xawaaraha baska iyo joogtaynta.
Horumarinta helitaanka iyo badqabka
64 isgoys oo cusub ama la hormariyay oo ay isticmaalaan dadka lugaynaya iyo in ka badan 100 goob oo laga dhisay jaraanjaroyin fidsan oo geeska wadada ah oo la jaanqaadaya Sharciga Naafada Maraykanka (ADA) si loo horumariyo badqabka iyo adeegsiga dadka lugaynaya.
Ku xiriirinta khadadka gadiidka ee waaweyn
Kobcinta xiriirka gaadiidka ee Khadka F ee RapidRide, tareenka Sounder ee Auburn iyo Kent, adeega baska degdega ah ee Sound Transit (ST) iyo baska degdega ah ee ST ee mustaqbalka ee Renton (la qorsheeyay in la furo 2028).
Ka Qeybgalinta Bulshada
Sida fikrada bulshadu u qaabaysay Khadka I
Gaadiidka wuxuu tagaa meesha aad u baahan tahay, marka aad u baahan tahay
Wado isku xirta qaybaha bulshada oo leh adeeg fiidkii iyo maalmaha dhamaadka todobaadka.
Adeega bas oo dheereeya, la isku halayn karo islamarlkaana joogto ah
Horumarinta kaabayaasha si looga caawiyo basaska inay dhex maraan saxmada baabuurta iyagoo leh bixitaano badan.
Boostaajooyin raaxo iyo amni leh
Nalalka la hagaajiyay, goob hoy ah iyo kuraasta boostaajada.
Ku xiriirinta dookhyada gaadiidka kale
Wado ku xirta Sounder, Stride iyo adeegyada kale ee Metro.
Adeegyada bulshooyinka taariikh ahaan si fiican aan loogu adeegin
Wadooyinka iyo boostaajooyinka la aqoonsaday iyadoo lala kaashanayo bulshooyinka aan adeegyo ku filan helin iyo ururada u adeega.
Inaad si sahlan oo badqab leh u tagto boostaajada baska
Wadooyinka dadka lugaynaya oo cusub oo u dhow boostaajooyinka, hagaajinta wadooyinka lugaynta, goobaha isku fura wadooyinka lugaynta iyo wadada weyn, calaamadaha goynta wadada ee dadka lugaynaya ay shidi karaan iyo haadyada baaskiilka ee gaarka ah.
Sida farshaxaniistayaasha deegaanka ay u qaabaynayaan mashruucan
Ryan! Feddersen
Farshaxaniiste Ryan! Feddersen ayaa la doortay si uu u sameeyo taxane ah farshaxano yaryar iyo muuqaalada darbiga lagu xardho.
Rey Daoed
Farshaxanka Rey Daoed ee la soo bandhigay waa qayb ka mid ah taxanaha daabacaadda xadidan ee kaararka ORCA oo loogu talagaly dabaaldaga Barnaamijka Balaarinta RapidRide.
Wakhtiga loogu talagalay
-
2019
Qiimaynta baahida
Inta lagu jiray wejigan koobaad ee ka qaybgalinta bulshada, Metro waxay soo bandhigtay mashruuca waxayna soo uruurisay jawaab celin ku saabsan baahiyaha gaadiidka iyo mudnaanta. Qorshaynta waxaa kamid ahaa wadada iyo goobaha boostaajada, iyo sidoo kale fikradaha adeegsiga sahlan iyo amniga.
La dhamaystiray
-
2019
Fikrada Naqshada
Fikrada hore
Wajigan labaad, Metro waxay soo ururisay jawaab celin ku saabsan goobaha boostaajada RapidRide ee la soo jeediyay iyo walaacyada iyo danaha kale ee bulshada. Fikradaha ayaa ka caawiyay Metro qorshaynta isbadallada xawaaraha iyo joogtaynta, naqshadeynta boostaajada iyo adeegsiga.
La dhamaystiray
-
2020
Fikrada Naqshada
Fikrada la doorbiday
Metro waxay soo bandhigtay fikrada naqshadaynta ee la doorbiday, oo ay ku jiraan wadada la soo jeediyay, goobaha boostaajada, iyo horumarinnada xawaaraha, isku halaynta iyo adeegsiga. Iyadoo la adeegsanayo talooyinka bulshada laga helay xilligi la maraayay heerka fikrada hore iyo qiimaynta baahiyaha, Metro waxay sii waday ururinta jawaab-celinta si loogu horumariyo naqshadda ugu dambeysa ee mashruuca.
La dhamaystiray
-
2021
30% naqshada kama dambaysta ah
Metro waxay isticmaashay jawaab celinta bulshada si ay ugu horumariso oo ay dib u eegis ugu sameyso qorshayaasha naqshadaynta hordhaca ah. Bishii Sebteembar 2020, wadada baska 169 iyo 180 ayaa la isku daray si loo abuuro Wadada 160 (mustaqbalka Khadka I).
La dhamaystiray
-
2022
60% naqshada kama dambaysta ah
Metro waxay qabatay kormeer waxayna kaashatay mulkiilayaasha guryaha iyo ganacsiyada ku teedsan wadada. Metro sidoo kale waxay soo aruurisay jawaab celinta ku aadan fikradaha naqshadeynta kama dambeysta ah.
La dhamaystiray
-
2023
90% naqshada kama dambaysta ah
Metro waxay isticmaashay jawaab celinta bulshada si ay dib u eegis ugu samayso qorshayaasha naqshadaynta kama dambaysta ah. Metro ayaa sidoo kale macluumaad kula wadaagtay dadwaynaha munaasabadaha bulshada si loo kordhiyo wacyigelinta ku aadan Khadka I ee RapidRide oo ay dib uga soo warbixiso sida jawaab celinta bulshadu u qaabaysay qorshayaasha naqshadaynta.
La dhamaystiray
-
2024
100% naqshada kama dambaysta ah
Metro waxay dib u eegtay jawaab celintii hore ee bulshada waxayna diirada saartay dhamaystirka naqshadaynta si loo helo ogolaanshaha dhismaha iyo dhamaystirka la wareegitaanka dhismayaasha.
La dhamaystiray
-
2025 ilaa 2027
Dhismaha Khadka I ee RapidRide
- Dhismaha boostaajooyin cusub iyo horumarino kale sida wadada lugaynta iyo maritaannada fidsan; Isgoysyada dadka lugaynaya iyo jidadka baaskiilka oo la hagaajiyay; balaarinta dariiqyada, dhagax dhigista, iyo dib u calaamadeynta; iyo Jidadka helitaanka Ganacsiga iyo Gaadiidka (BAT), cusboonaysiinta calaamadaha taraafikada, iyo hormarinada kale ee mudnaanta leh ee gaadiidka
- Dhismaha Farshaxannada qurxinaaya goobaha dadweynaha
- Ka qaybgalinta bulshada hawlaha la xiriira dhismaha
Bilaabitaanka iyo tijaabinta
- Tababarka hawl-wadeenka adeega Khadka I
- Tijaabinta iyo hawlgalinta nidaamyada teknoolajiyada (sida calaamadaha cusub, calamadaha macluumaadka islamarkiiba ah, iyo lacag ku bixinta ORCA)
Hada socda
-
2027
Daahfurka adeega
Bilawga adeega Khadka I ee RapidRide
Waxa la filayo inta dhismuhu socdo
Metro waxay qorshaynaysaa inay bilawdo dhismaha dayrta 2025. Saacadaha shaqada ee caadiga ah waa Isniinta ilaa Jimcaha, 7da subaxnimo ilaa 3:30 galabnimo, waxaana marmar jiro shaqooyin habeenkii iyo maalmaha dhamaadka usbuuca ah.
Inta lagu jiro dhismaha, waxaad filan kartaa:
- Xayiraado baarkin oo ku meel-gaar ah
- Xiritaanka wadooyinka wakhtiyada qaar
- Mashiinada waaweyn iyo isu-socodka baabuurta xamuulka
- Saamaynta dhismaha iyo baarkinka ee u dhow goobaha dhismaha qaarkood
- Xiritaanka qaar ka mid ah wadooyinka lugaynta, isgoysyada, iyo haadka
- Leexinta wadooyinka loogu talagalay dadka lugeynaya ama wato baaskiilka iyo aaladaha kale ee socodka
- Leexinta basaska oo ku meel gaadh ah iyo badalida boostaajooyinka Wadada 160 iyo meelaha kale ee gaadiidka iyo wadooyinka baska.
- Calan wadayaasha oo hagaayo baabuurta agagaarka goobaha shaqada
Keydka ilaha
Ilaha Ka qaybgalinta Bulshada
- Soo koobitaanka wacyigelinta (2022) - Af-Ingriis keliya
- Warbixintii ugu dambaysay ee ka qaybgalinta bulshada (2021) - Af-Ingriis keliya
- Warbixinta ka qaybgalinta bulshada wajiga 3aad (2020) - Af-Ingriis keliya
- Warbixinta ka qaybgalinta bulshada wajiga 2aad (2019) - Af-Ingriis keliya
- Warbixinta ka qaybgalinta bulshada wajiga 1aad (2019) - Af-Ingriis keliya
- Warbixintii ka qaybgalinta bulshada ee Wajiga 1aad-3aad (2019) - Af-Ingriis keliya
Ilaha naqshadaynta
- Warbixinta soo koobitaanka isbadallada naqshadeynta (2023)
- Warbixinta cusboonaysiinta qorshaynta Wadada (2020)